Michelin kokkar með ný norrænt Pop Up kvöld á Einsa Kalda – Þetta er sannkallað VIP kvöld

Peeter Pihel og Michael Jiro Holman
Mynd: af facebook / Einsi Kaldi

Laugardagskvöldið 7. maí nk. verður boðið upp á einstakan Pop Up kvöldverð á veitingastaðnum Einsa Kalda í Vestmannaeyjum.

Þar munu Michelin matreiðslumennirnir Peeter Pihel og Michael Jiro Holman frá veitingastaðnum Fäviken í Svíþjóð elda 8 rétta veislumáltíð eftir svokallaðri Rektun Mat (Real Food) stefnu þar sem norrænt hráefni verður í fyrirrúmi.  Fäviken er tveggja Michelin stjörnu veitingastaður og var í fyrra valinn 25 besti veitingastaður heims.

Michael Jiro Holman og Atli Snær Keransson (lengst til hægri) ásamt hluta af matreiðslumönnum á Fäviken.
Mynd úr einkasafni: Atli Snær Keransson

Viðburður þessi er til kominn eftir að Atli Snær Keransson, nemi á Einsa Kalda og Lava í Bláa Lóninu, fór til Svíþjóðar að vinna á Fäviken síðasta vetur. Fljótlega komu upp hugmyndir hjá honum og Einari Birni Árnasyni matreiðslumeistara, um að þeir Peeter og Michael kæmu til Vestmannaeyja og stæðu fyrir Pop Up kvöldi á veitingastað Einars, Einsa Kalda.

Peeter Pihel er 36 ára og kemur frá Eistlandi. Hann var m.a. valinn matreiðslumaður ársins þar árið 2008 og er mjög þekktur í heimalandi sínu. Hann starfaði á veitingastaðnum Pädaste Manor sem var valinn besti veitingastaðurinn í Eistlandi fjögur ár í röð, áður en hann hóf störf á Fäviken.

Michael Jiro Holman er þrítugur Kanadamaður og er hálf-japanskur að uppruna. Áður en hann hóf störf á Fäviken starfaði hann m.a. í Japan, Kanada, Bandaríkjunum, S-Kóreu og Danmörku.

Eins og nafnið á viðburðinum (Pop Up) gefur til kynna verður hann ekki endurtekinn og er sætaframboð takmarkað. Verðið fyrir kvöldverðinn er 9.500 kr. án víns og 17.500 kr. með sérvöldu víni af kokkunum sjálfum. Borðapantanir eru í s: 481-1415.

Matseðillinn:

Rektun Mat

Linseed and vinegar crisps
seaweed  dip

Scallop
cooked over burning juniper branches

Kelp Cured Acrtic Char
Eggyolk Sauce, Mustard, Crisped Parsnip, Roe and Horse Radish

Bird s liver custard
salted gooseberries and malted cabbage

Milk Curd
Poached Langoustine,  Langoustine Dashi and Wild Herbs

Seared cod brushed very lightly with honey
brown berry puree

Roasted lamb rump
salted seaweed and beetroots

Whisked duck eggs with wild raspberries

Skyr sorbet with cherries and dried egg yolk

Fyrir áhugasama má einnig geta þess að Hótel Vestmannaeyjar verður með tilboð á gistingu í tengslum við þetta kvöld en nánari upplýsingar um það eru í s: 481-2900.