Matur og drykkur | Veitingarýni

Matur og drykkur er nýr veitingastaður í Alliance húsinu vestur á Grandagarði 2, en hann opnaði í janúar s.l.. Eigendur eru Gísli Matthías Auðunsson, Elma Backman, Ágústa Backman, Inga María Backman og Albert Munoz.

Matur og drykkur tekur 60 manns í sæti og er með þennan gamla góða íslenska mat upp úr bókinni Matur og Drykkur eftir Helgu Sigurðardóttur.

Yfirmatreiðslumenn staðarins eru Gísli Matthías Auðunsson og Paul D’Avino og aðstoðaryfirkokkur er Helgi Pétur Gunnlaugsson.

Staðurinn er mjög hlýlegur og heimilislegur sem hafði áhrif á heimilistilfinninguna að maður upplifi sig velkomin.

Við komum klukkan 19:00 og fengum okkur sæti stuttu, síðar kom Gísli og við sögðum að hann mætti ráða ferðinni og hér kemur herlegheitin:

Fordrykkur:
Rauðbeðu Kokteill

Þessi kokteill var mjög góður og sætur.

Súrdeigsbrauð með cumen

Gott og skorpan var mjög góð.

Harðfiskflögur, brennt mysusmjör og sýrð söl

Bragðgóður réttur, kom skemmtilega á óvart.

Tví-taðreykt lamb, hvítkál og súrmjólkuruppstúf, múskat

Þessi réttur var virkilega bragðgóður.

Blóðbergsgrafið lamb með geitaosti og jarðskokkum

Skemmtilegur og ferskur réttur hér á ferð, geitaosturinn kemur vel inn í réttinn.

Þorsklifur með reyniberjasultu á ófeitu kúmenlaufabrauði

Hér er á ferðinni skemmtileg samsetning á bragði, mjög gott.

Saltfiskkrókettur og piparrótar remúlaði

Krókettan bráðnaði upp í manni, passaði mjög vel með remúlaðinu, góður keimur af piparrótinni, skemmtilegur réttur.

Humarhali með sólselju söl og harfiski

Humarinn var frábærlega steiktur, og sósan mmmm… bragðgóð var hún.

Gæsahjörtu með eplamauki, steinselju og kruðeríi

Þessi réttur var bragðgóður og hjörtun passlega elduð.

Lúðusúpa

Þessi heimsfræga Lúðusúpa með eplum og rúsínum sem hefur ekki sést á veitingastöðum í þó nokkur mörg ár. Virkilega bragðgóð súpa.

Aðalréttur:
Þorskhaus eldaður í þykku kjúklingasoði og beltisþara

Meðlætið með aðalréttinum.
Seljurótarmauk, stökkar kartöflur og jurtarvinaigrette

Þorskhausinn var mjög bragðgóður og bráðnar upp í manni, þvílíkt sælgæti

Rjómablandað skyr með höfrum mysukrapi og þurrkuðum bláberjum

Ferskur réttur, mjög góður og mysukrapið kom vel á móti skyrinu.

Kleinur og mysingskrem

Já sæææælll, smellpassaði með kaffinu.

Ég hef bara eiginlega eitt orð til að lýsa upplifun mína á matnum og þjónustunni á Mat og Drykk…. VÁ, þetta kom mér mjög á óvart, þvílík matarveisla, maður stóð á blístri.

Þetta er staður sem er kominn til að vera og Gísli og Co eru að gera góða hluti, þar sem hugmyndin er að hefja íslenska matarhefð til vegs og virðingar, til hamingju öll.

við þökkuðum kærlega fyrir okkur og héldum heim á leið.