Mathús Garðabæjar er búið að opna

Mathús Garðabæjar er nýr veitingastaður sem staðsettur er við Garðatorg 4b og eins og nafnið á veitingastaðnum gefur til kynna í Garðabæ.

Að Mathúsi Garðabæjar standa tveir reyndir matreiðslumenn, Stefán Magnússon og Þorkell Garðarsson ásamt framreiðslumanninum Róberti Rafni Óðinssyni.

Mathús Garðabæjar er fjölskylduvænn veitingastaður sem býður upp á vandaðan mat, sem matreiddur er úr fyrsta flokks hráefni. Matseðillinn er fjölbreyttur en boðið er uppá fisk, kjötmeti og súpu dagsins sérvalið eftir því hvað er ferskast hverju sinni ásamt hefðbundnum matseðli.  Alla daga verður hægt að fá nýkreista ávaxta djúsa og hollar samlokur, hvort sem gestir vilja borða á staðnum eða taka með.

Um helgar er boðið upp á „brunch“ hlaðborð frá kl. 11:30 – 14:00 og á sunnudagskvöldum frá kl. 18:00 verða steikardagar eða „Sunday roast“eins og best gerist.

Mathús Garðabæjar leggur mikla áherslu á að koma til móts við blessuð börnin, bæði hvað snertir mat og afþreyingu.  Í því sambandi er einstakt krakkaherbergi á staðnum. Staðurinn býður einnig uppá flotta setustofu þar sem gestir geta sest, slappað af, fengið sér drykk og horft á boltann ef svo ber undir.

Mathús Garðabæjar býður einnig upp á að matur sé sóttur og tekinn með heim ásamt almennri veisluþjónustu.  Minni veislur, fyrir um 20-40 manns, verður hægt að halda á staðnum á prívat svæði með öllu tilheyrandi, að því er fram kemur á facebook síðu veitingastaðarins.

Opnunartími eldhúss er frá 11.30 til 22.00 alla daga og staðurinn opinn til 23.00 alla daga.

Myndir: Facebook / Mathús Garðabæjar

Mathús Garðabæjar á samfélagsmiðlum:

Instagram

Facebook

Twitter