Matarsinfónía í hæstu hæðum

„….þegar við litum inn í eldhúsið þá voru allir sallarólegir þó svo að salurinn væri fullur“

Síðastliðið haust opnaði nýr veitingastaður í miðborg Reykjavíkur nánar tiltekið í Zimsen húsinu sem nú er búið að koma fyrir í Grófinni og hefur verið gert upp, en staðurinn er í kjallara hússins og heitir Fiskfélagið.

Crew 1 var þess heiðurs njótandi að vera boðið að koma og smakka á því sem þau  er að gera í matarlegum skilningi.

Þegar maður kemur inn á staðinn fær maður svona róandi tilfinningu, frekar dimmt en passar vel saman með innréttingunum og lýsingunni, fremst er barinn og inn af er aðalsalurinn og gengið niður í eldhúsið úr miðjum salnum á þeirri hlið sem vísar í átt að Restaurant Reykjavík.

Hér fyrir neðan kemur matseðillinn og eru allir réttirnir á nýja a´la carte seðlinum sem var tekinn í notkun í byrjun árs.

Stóra alheimsreisan

Brauð:
Volgt snittubrauð með fennelsultu, skyrsmjöri og chilli salsa

Smakk:
Hangikjötstartar í krukku með rauðbeðum og dönsku sinnepi

Ísland Tröllasúra:
Steiktur Leturhumar,smjöreldaðar gulrætur, hundasúruhlaup og brennivíns eggjafroða

Spánn Chorizo:
Hægelduð Grísasíða og Gnocci með sinnepsjarðeplum, beikonpúðri,
ólifusandi og negulnagla Tio Pepe

Hawai Five spice:
Túnfiskur með kongakrabba, soja geli, pinacolade sorbet og Sesam

Ísland Súrmjólk:
Reykt ýsa og humar í súrmjólkurfroðu með rúgbrauðsmold, jarðepli á tvo vegu, radísa og sólselja

Noregur Myrkilsveppir:
Bleikja elduð á 3 vegu og kryddbrauð, sólseljukrem, hvítur súrmjólkurís, reykur, sultuð fennika og myrkilsveppafroða

Ísland Haframjöl:
Steiktur skötuselur og queil egg, brokkolí mauk, smælkikaka, humar hollandies, kálfasoð

Usa. BBQ:
Viðargrillað Nautaribeye og folaldapiparsteik með portobellusvepp, rauðvínsdjús og franskar í poka

Frakkland Heslihneta:
Heit súkkulaði kaka með núgat ganach inní og þeyttum, heslihnetum, perum, ristaður kókos og kókos sorbet

Mexico Drekaávöxtur:
Sorbet, mango, passion, drekaavöxtur með valhnetuhrauni, súrsæt ástríðursósa og jarðaberjahlaupi

Ísland Skyr:
Mjúk ostakaka, sítrónuskyr sorbet, skyr froða, volg bláberja muffins

Ítalía Nutella:
Alvöru  Tiramisu með kaffikaramellusósu, jarðaberjum og vanillustangaís

Það er skemmst frá því að segja annar eins matur hefur ekki oft farið inn um varir mínar á Íslandi, samspil bragða og eldun alveg fullkomin og eins gott að viðurkenna það strax að ekki var möguleiki að finna feilnótu í þessari matarsinfóníu.

Þeir eiga hrós skilið fyrir eldamennskuna og þegar við litum inn í eldhúsið þá voru allir sallarólegir þó svo að salurinn væri fullur, ekki má gleyma þjónustunni sem var hárfín og ljúf og setti punktinn yfir I-ið fullkomlega.

Við hjá Freistingu bjóðum Fiskfélagsmenn velkomna í flóru Reykjavíkur og óskum þeim góðs gengis í framtíðinni.

Myndirnar tók Matthías Þórarinsson