Lúxus á útsölu – Fairmont Grand Hotel selur innanstokksmuni fyrir breytingar – Talið vera stærsta uppboð sinnar tegundar í Evrópu

Fairmont Grand Hotel í borginni Geneva í Sviss

Fairmont Grand Hotel í borginni Geneva í Sviss, sem opnaði fyrst árið 1885, lokaði dyrum sínum í lok árs 2024 til að undirbúa umfangsmikla endurnýjun sem hefst á öðrum ársfjórðungi 2025. Áður en framkvæmdir hefjast mun hótelið halda fjögurra daga uppboð frá 17. til 20. febrúar 2025 og hefst klukkan 10:00 CET hvern dag, þar sem yfir 6.000 hlutir verða boðnir upp.

Þetta er talið vera stærsta uppboð sinnar tegundar í Evrópu.

Á uppboðinu verður boðið upp á fjölbreytt úrval muna, þar á meðal húsgögn úr gestaherbergjum, minjagripi úr veitingastöðum hótelsins, búnað úr veislu- og fundarsölum, húsgögn af veröndum, þvottahúsbúnað, lín, rafstöðvar og jafnvel hluti úr hinu fræga leikhúsi Théâtre du Léman.

Simon Rose, uppboðsframkvæmdastjóri hjá Pro Auction, fyrirtækinu sem sér um söluna, lætur hafa eftir sér í tilkynningu:

„Þetta er tímamótaatburður sem mun vekja athygli rekstraraðila, safnara og aðdáenda víðs vegar að úr heiminum, og býður upp á einstakt tækifæri til að eignast hluta af sögu hótelsins.“

Boðið verður upp á bæði staðbundna og rafræna þátttöku í gegnum vefstreymi. Sýningar verða í boði frá 10. febrúar eftir samkomulagi við uppboðshaldara.

Hægt er að skoða söluskrána á vefsíðu BidSpotter.

Á meðal hluta á uppboðinu.

Myndir: fairmont.com / bidspotter.co.uk