Kröst tekur alþjóðlega Kampavínsdaginn með trompi

Í dag er Alþjóðlegi Kampavínsdagurinn haldinn hátíðlegur um allan heim.  Kröst á Hlemmi mathöll tekur þátt í deginum í annað sinn og mun af því tilefni hafa einstaka opna Kampavínssmökkun alla helgina. Gestum býðst að prófa fjögur ólík Kampavín frá mismunandi svæðum Champagne héraðsins í Frakklandi fyrir einungis 3500 krónur.

Alþjóðlegi Kampavínsdagurinn er til að læra og njóta. Þetta verður einstakt tækifæri til að bera saman og kynnast mismunandi vínum frá Champagne og læra þannig betur hvaða Kampavín eru manni best að skapi.

Veitingastaðir á Grandi mathöll bjóða einnig upp á gott úrval af kampavíni í tilefni dagsins.

Mynd: úr safni