Kastrup lokar dyrunum – Jón Mýrdal hættir rekstri

Jón Mýrdal

Jón Mýrdal, einn af stofnendum og rekstraraðilum veitingastaðarins Kastrup við Hverfisgötu í Reykjavík, hefur tilkynnt að hann hafi hætt aðkomu sinni að staðnum. Ástæðan er sú að samningar við bæði skattayfirvöld og leigusala náðust ekki. Þetta kemur fram í færslu sem Jón birti á Facebook-síðu sinni, þar sem hann lýsir einnig stolti yfir því sem náðist að byggja upp á undanförnum árum.

„Kæru vinir, það er því miður ljóst að ég kem ekki lengur til með að hafa aðkomu að Kastrup. Það náðust ekki samningar við skattinn né leigusala,“ skrifar Jón. Hann bætir við að síðustu vikur hafi verið erfiðar, en hann sé þó stoltur af því sem hann og samstarfsmaður hans, Stefán Melsted kokkur, byggðu upp. Upphaflega var staðurinn rekin í tjaldi við Klapparstíg, en þróaðist síðan í vinsælan veitingastað við Hverfisgötu.

Jón þakkar sérstaklega fastakúnnum staðarins sem komu reglulega og segir að nú þurfi að ganga frá lausum endum og hugsa um framtíðina. „Ég veit hverju ég er góður í sem er stuð og stemming og næstu verkefni verða tengd því. Í framtíðinni mun bókhald og tölvupóstar vera gert af fagmönnum,“ segir hann í færslunni.

Fréttir af lokun Kastrup komu fyrst fram í byrjun maí þegar staðurinn var innsiglaður af skattinum og gestir reknir frá diskunum. Þá lýsti Jón því yfir að hann væri á leið með skjalatösku til skattsins til að gera málið upp. Á visir.is kemur fram að nú hefur komið í ljós að vandamálið var dýpra en svo, og staðurinn er enn lokaður án þess að fyrirsjáanlegt sé hvenær hann opnar á ný.

Sjá einnig: Kastrup lokað vegna skattaskulda – Jón Mýrdal: Ég hélt að ég hefði helgina

Jón hefur einnig tekið fram að hann muni ekki svara frekari spurningum frá blaðamönnum, en að það sé frjálst að notast við þær upplýsingar sem hann hefur veitt opinberlega.

Mynd: Jón Mýrdal / Facebook