Freisting

Kampavín bannað í Ástralíu að beiðni ESB

Birting:

15 ár síðan

þann

31.08.2010

Eftir

Smári Valtýr Sæbjörnsson

Ástralskir vínframleiðendur mega ekki lengur nota hefðbundin evrópsk heiti eins og kampavín, púrtvín eða sérrí til að nefna vörur sínar, skv. samkomulagi við Evrópusambandið, sem tekur gildi á morgun. Ástralir fá 1 árs aðlögunartíma til að þurrka út slík nöfn samkvæmt samkomulaginu, sem skrifað var undir fyrir 2 árum til verndar landfræðilegum vörumerkjum ESB.

Dacian Ciolos, sem fer með landbúnaðarmál í framkvæmdastjórn ESB, sagði í dag að samkomulagið kæmi sér vel fyrir bæði evrópska og ástralska vínframleiðendur. Það mikilvægasta er að ástralskir framleiðendur hafa skuldbundið sig til að hætta notkun landfræðilegra skilgreininga sem eru hefðbundin á sín vín. Þetta er afar mikilvægt fyrir evrópska framleiðendur,“ sagði Ciolos.

Evrópskur landbúnaður reynir hvað hann getur að vernda sígildar vörur sem kenndar eru við upprunastað sinn, s.s. parmesanost frá Parma á Ítalíu. Kampavín er framleitt í héraðinu Champagne í Frakklandi, portvín í Portúgal og sérri í héraðinu Jerez á Spáni.

Greint frá á mbl.is

/Smári

Tög:

Smári Valtýr Sæbjörnsson

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Hægt er að hafa samband við Smára á netfangið smari@veitingageirinn.is Skoða allar greinar höfundar hér >>

Auglýsingapláss

Click to comment