Frétt

Kaka ársins 2008

Birting:

19 ár síðan

þann

21.02.2008

Eftir

Sverrir Þór Halldórsson

Kaka ársins 2008

Búið er að velja Köku ársins 2008. Jón Karl Stefánsson hjá Bæjarbakaríi í Hafnarfirði bar sigur úr býtum í keppni um Köku ársins sem Landssamband bakarameistara efnir árlega til. Í tilefni af konudeginum hefst sala á kökunni í bakaríum félagsmanna Landssambands bakarameistara um næstu helgi.

Landssamband bakarameistara efndi nýlega til árlegrar keppni um Köku ársins 2008. Keppnin fer þannig fram að keppendur skila inn tilbúnum kökum sem dómarar meta og velja úr þá sem þykir sameina þá kosti að vera bragðgóð, falleg og líkleg til að falla sem flestum í geð og hlýtur hún titilinn Kaka ársins, samkvæmt tilkynningu.

Sigurkakan er samsett úr súkkulaðibotnum, hnetubotni, hvítri súkkulaðimús með kaffikeim og hjúpuð með hvítu súkkulaði. Höfundur hennar er Jón Karl Stefánsson hjá Bæjarbakaríi í Hafnarfirði.

Dómarar í keppninni voru Rakel Pálsdóttir, forstöðumaður almannatengsla hjá Samtökum iðnaðarins, Dagmar Sigurðardóttir, bókari hjá Samtökum iðnaðarins og Albert Eiríksson, matgæðingur.

Mynd: bakstur.is | Texti: Mbl.is | [email protected]

Tög:Bæjarbakarí Jón Karl Stefánsson Kaka ársins

Sverrir Þór Halldórsson

† 1956-2015 | Sverrir er matreiðslumeistari, en hann lærði matreiðslu á Hótel Sögu og var við nám í hótelstjórnun í Álaborg. Hann hefur starfað mjög víða, m.a. á veitingastöðum í Englandi og Danmörku. Einnig á stöðum hér heima, m.a. Hótel Sögu, Óperu, Holliday Inn, Ránni og Þotunni í Keflavík, Fossnesti á Selfossi. Sverrir er beinskeyttur, opinskár og harðsoðinn penni.