Johnny Depp og uppáhalds vínin hans

Í viðtali við tímaritið Madame Figaro, upplýsir Johnny Depp að hans uppáhalds vín sé Château Calon-Ségur, þriðja yrkis vín frá Saint Estèphe í Frakklandi.  Hann segir vínið vera undursamlegt, hægt að njóta þess á hverjum degi og það sé einnig á viðráðanlegu verði.

Leikarinn, sem nýlega vann sér inn litlar 18. milljónir evra fyrir hlutverk sitt í myndinni Charlie and the Chocolate Factory, segir einnig frá því í viðtalinu að vínsmekkur hans hafi færst yfir í dýrari vín.  Hann segist líka kunna vel við Pétrus og Château Cheval-Blanc, og nefnir einnig Domaine de la Romanée-Conti sem eitt af sínu uppáhaldi frá Burgúnd.  Þegar slík vín eru drukkin, nær maður algleymisástandi, segir hann jafnframt í viðtalinu.

Depp, býr með Frönsku söngkonunni Vanessu Paradís og dvelja þau að jafnaði helming ársins í Frakklandi.  Hann er þekktur fyrir áhuga sinn á Frönskum vínum. 

Heiðar Birnir Kristjánsson

[email protected]