Issi opnar tvo matarbíla á Reykjanesinu

Veitingahjónin Jóhann Issi Hallgrímsson og Hjördís Guðmundsdóttir

Issi kokkur, eða Jóhann Issi Hallgrímsson hefur opnað matarvagn í Grindavík ásamt eiginkonu sinni Hjördísi Guðmundsdóttur.

Matarvagninn heitir Issi – Fish & Chips og er staðsettur við bryggjuna í Grindavík fyrir neðan Kvikuna.

Það er algeng sjón að sjá biðröð við matarbílinn

Í boði er Fiskur og franskar (Fish & chips) og sjávarréttarsúpa að hætti Issa, en hún er borin fram með söltuðum þorskinnum og blönduðu grænmeti.

Allur fiskur rekjanlegur

Það eru ekki margir sem geta státað sig á því að bjóða upp á fisk sem rekjanlegur og gestir geta vitað hvar fiskurinn var veiddur.  Issi og Hjördís leggja mikla áherslu á að vita hvar fiskurinn er veiddur sem þau bjóða upp á.

Grindjánar ánægðir með matarbílinn

Opnunartími er frá kl. 11:30 til 20:00 alla daga.  Nóg er um að vera og auglýsir Issi eftir áhugasömu fólk til starfa, en hægt er að hafa samband í gegnum facebook síðu matarbílsins Issi Fish & Chips eða á netfangið issi@issi.is.

Issi kemur til með að opna annan matarbíl, en hann er kominn í skip og er á leiðinni til landsins og verður þá staðsettur á Fitjum í Reykjanesbæ.

Fiskurinn er einstaklega safaríkur og bragðgóður

Issi starfaði áður sem sölumaður hjá ÓJ og K , Sælkeradreifingu, en hann er lærður bæði sem framreiðslu-, og matreiðslumeistari.  Issi lærði fræðin sín á Hótel loftleiðum og á Aski, útskrifaðist árið 1995 sem framreiðslumaður og sem matreiðslumaður árið 2006 og meistari árið 2010.

Til gamans má geta að afi Issa, hann Jón Kristjánsson var fyrstur manna á íslandi að opna slíkan stað, (þar til annað kemur í ljós). Staðsettur á  Akureyri að Hafnarstræti 105, hét hann Matarkjallarinn. Því miður brann hann 1942, og hefur alltaf verið gert svolítið grín af þessu í fjölskyldunni hjá Issa því að Jón, var víst að fara skemmta sér með breskum hermönnum og það gleymdist að slökkva á pottinum.

Myndirnar tók Bjarni / Basi og eru þær birtar með góðfúslegu leyfi hans.