Íslandsmeistaramót vínþjóna verður haldið 25. febrúar

Aðalfundur Vínþjónasamtaka Íslands var haldinn á veitingastaðnum Brass, fimmtaginn, 28. janúar síðastliðinn.

Helstu atriði fundarins voru eftirfarandi:

Heimasíða Vínþjónasamtakanna er í vinnslu og mun stjórnin senda út tilkynningu þegar hún er aðgengileg.

Nýir meðlimir geta skráð sig í Vínþjónasamtökin með því að senda fullt nafn og kennitölu í tölvupóst á [email protected]

Árgjald Vínþjónasamtakanna er 4.800.-

Innifalið í gjaldinu eru 3 vínsmökk á ári þar sem farið verður ítarlega í tæknina á bak við blindsmakk. Einnig fá meðlimir 50% afslátt af árskorti á SommNinja appinu hér.

Íslandsmeistaramót vínþjóna

Íslandsmeistaramót vínþjóna fer fram fyrir luktum dyrum, fimmtudaginn 25. febrúar.

Keppt verður í blindsmakki, verklegum vinnubrögðum (meðhöndlun á vörum), vín og matarpörun ásamt bóklegri kunnáttu.

Keppnin mun fara fram alfarið á ensku þar sem sigurvegari mun vera fulltrúi Íslands í alþjóðlegum keppnum.

Fyrir þá sem lenda í efstu þremur sætunum munu Vínþjónasamtökin bjóða allt að 30 tímum í keppnisundirbúning sem fellst í aðstoð við, bóklegan lærdóm, blindsmökk, verkleg vinnubrög.

Nýkrýndur Íslandsmeistari mun hljóta styrk frá Vínþjónasamtökunum uppá 250.000 til að nýta í áframhaldandi menntun á vegum WSET eða CMS /ASI.

Sérstakur kynningarfundur fyrir keppnina verður haldinn föstudaginn 19. febrúar, kl. 11:30 á Brass Kitchen & Bar. Fundurinn er opinn öllum og allar spurningar eru velkomnar.

Áhugasamir geta skráð sig til keppnis á [email protected]

Síðasti dagur skráningar er föstudagurinn 19. febrúar.

Auglýsingapláss

Norðurlandamót vínþjóna 2021 fer fram á Íslandi dagana 24.-26. september. Nánari upplýsingar varðandi keppnina verða gefin út síðar.

Við hlökkum til að sjá ykkur.

Alba E. H. Hough
Forseti – Vínþjónasamtök Íslands
[email protected]

Próf – vínfræði?

Fyrir þá sem vilja, þá fylgir með hluti af 10 ára gömlu prófi frá keppninni: Vínþjónn ársins.

Taktu Sommelier vínprófið hér

Mynd: úr safni