Innköllun á kjötbollum í brúnni sósu frá Ora

Ora hefur ákveðið að kalla inn Ora kjötbollur í brúnni sósu í stórum dósum (850 gr dósirnar) vegna hugsanlegs framleiðslugalla, en þetta er í fyrsta sinn sem Ora hefur þurft að grípa til innköllunar. 

Innköllunin er gerð í varúðarskyni, þar sem slíkur galli hefur gert vart við sig í einni af framleiðslulotum vörunnar, en þetta kemur fram á heimasíðu Niðursuðuverksmiðjunnar Ora.

Í samræmi við öryggis- og gæðastefnu Ora nær innköllunin þó til allra 850 gr dósa óháð framleiðslulotu.

Skila má inn Ora kjötbollum í brúnni sósu í 850 gr dósum til allra verslana sem selja Ora.

/Smári