Hátíðlegur portvíns gráðaostur

Nýjasta nýtt úr Dölunum er Portvíns gráðaostur þar sem klassískur gráðaostur hefur fengið að þroskast í góðu víni svo úr verður hátíðlegur ostur með sætum portvínstónum. Gráðaosturinn er fallega vínrauður og setur skemmtilegan svip á veisluborðið á aðventunni.

Portvínsosturinn smakkast vel einn og sér, er stórkostlegur með súkkulaði og piparkökum og þá setur hann punktinn yfir i-ið í villibráðasósunni.

Hér er kominn ostur sem gráðaostaunnendur ættu ekki að láta framhjá sér fara og geta áhugasamir nælt sér í góðgætið hjá MS þar sem osturinn fæst í 120 g öskjum og 2,4 kg hjólum.