Harmsaga við Laugaveg

Jónas Kristjánsson veitingagagnrýnandi fer ekki fögrum orðum um veitingastaðinn Kitchen við Laugaveginn og endar með því að segja staðinn vera harmsaga við Laugaveginn og að hann komi aldrei til með að heimsækja hann aftur.

Eftirfarandi texti er hans frásögn sem hann birtir á vefsíðu sinni jonas.is:
Við pöntuðum í gær hvort um sig hálfan tandoori-kjúkling af matseðli, rétt nr. 15. Við fengum fjórðung fyrir einn. Kvörtun færði okkur annan fjórðung fyrir hinn. Samt greiddum við samtals 4.780 kr fyrir tvo hálfa kjúklinga með engu.

Kvörtun bar engan árangur. Kjúklingurinn var þurr. Fengum ekki pantaða jógúrt-sósu og mangó-sultu fyrr en síðar og þá með eftirgangsmunum. Nan-brauðið á að koma úr þurrum ofni, en kom jóðlandi í djúpsteikingarfeiti. Kitchen, nepalskt veitingahús andspænis Kjörgarði við Laugaveg, er harmsaga. Eigandinn er alveg úti að aka. Eitt fárra húsa, sem ég heimsæki ekki aftur.

Heimasíða Kitchen www.kitchen-eldhus.is

/Smári