Hálfétin samloka á uppboði

Á uppboðsvefnum eBay má finna ótrúlegustu hluti og nú stendur eBay-notendum til boða að bjóða í samloku sem poppprinsessan Britney Spears hefur tekið nokkra bita af. Þjónn nokkur, sem þjónaði Britney og eiginmanni hennar, Kevin Federline, á hátíðarathöfn sem þau voru nýlega viðstödd, hirti leifarnar og nú hyggst hann græða á samlokunni hálfétnu.

Þjóninn hefur einnig sett snarl sem Federline skildi eftir hálfétið. Þegar þetta er skrifað er hæsta boð í matarleifarnar 207 dalir, sem jafngildir rúmum 14.000 íslenskum krónum.

Þeir sem hafa áhuga á að eignast Britney-snarlið geta verið vissir um að það muni endast út ævina þar sem seljandinn hefur komið brauðmetinu fyrir í lofttæmdum umbúðum.

Greint frá á mbl.is

[email protected]