Hafliði yfirdómari í kokkakeppni í Noregi – Bein útsending

Christopher W. Davidsen silfurverðlaunahafi Bocuse d´Or 2017 og Hafliði Halldórsson yfirdómari í Norges Mesterskap

Allt komið á fullt í kokkakeppninni „Norges Mesterskap“ sem haldin er í Bergen í Noregi.

Hafliði Halldórsson matreiðslumaður er yfirdómari í keppninni og með honum til halds og traust eru eftirfarandi dómarar:

• Jørn Lie
• Christopher W. Davidsen
• Christer Rødseth
• Kristine Øvrebø
• Bente Dahlslett
• Erich Heigl

Fyrstu 4 úrslitakeppendur eru byrjaðir að keppa af 10 og á morgun keppa 6 kokkar.

„Hafliða líst vel á keppendur í dag og ánægður með að sjá brosandi og glaða kokka, sem virðast hafa gaman af þessu.“

, sagði Sigurður Rúnar Ragnarsson matreiðslumaður í samtali við veitingageirinn.is aðspurður um stemninguna. Tveir kokkar á vegum Sigurðar eru í keppninni, en þeir starfa hjá veitingahúsinu Spiseriet í Stavanger sem að Sigurður og konan hans Guðrún Eyjólfsdóttir reka. Sigurður er framkvæmdastjóri Spiseriet síðan í janúar og Guðrún veitingastjóri, en Guðrún er framreiðslumaður að mennt.

Sigurður verður með beina útsendingu í dag og á morgun á facebook síðu veitingageirans.

Fyrstu réttir fara út klukkan 12:00 í dag á íslenskum tíma.

Keppnisfyrirkomulag:
Grænmetis „Lacto ovo“ forréttur úr leyndarkörfu (mystery basket) s.s. má nota mjólk og egg.  Mb hráefni í dag er kantarellur, grænkál og jarðskokkar.  Aðalréttur: lambafille og nýru og/eða bris.  Eftirréttur: Valrhona 39% mjólkursúkkulaði, rauðbeður og rjómi.

Nánari upplýsingar um keppnina er hægt að lesa með því að smella hér.

Bein útsending:

[fbvideo link=“https://www.facebook.com/Veitingageirinn.is/videos/1586112698118909/“ width=“500″ height=“400″ onlyvideo=“1″]

Mynd: Sigurður Rúnar Ragnarsson