Freisting.is gerir mistök

Umsjónarmenn heimasíðunnar Freisting.is hafa klárlega gert þau mistök að hafa ekki B5 inná könnuninni „Hver af eftirtöldum veitingastöðum skarar framúr í matargerð að þínu mati?“, þvílik matseld og framúrskarandi matargerð undir stjórn meistarkokksins og landsliðsmannsins Gunnars Karls, sem töfraði fram frábæra rétti til okkar félagsmanna sem sátu á fundi á veitingastaðnum B5.

Fundurinn var mjög vel heppnaður og fóru menn á flug í pælingum yfir vetrardagskránni, en síðastliðnir fundir hafa farið meira og minna í Galadinnerinn og nú fannst mönnum kominn tími til að fara skemmta sér og verðlauna sig fyrir góð störf. Skemmtileg vetrardagskrá framundan og nóg að snúast. Einn nýr meðlimur kom á sinn fyrsta fund en það var Kjartan M. Kjartansson matreiðslumaður, fæddur: 17-12 ´77, en hann lærði fræðin sín á Fiðlaranum undir leiðsögn meistara síns Snæbjörns Kristjánssonar og vill Freisting óska Kjartani innilega til hamingju með inngönguna í klúbbinn.

Matseðill kvöldsins var:

Tómat gaspazho með pestó, hvítri tómatfroðu og furuhnetum

Grafin bleikja „Nornaseiði“ með súrsuðu grænmeti, súrmjólkurfroðu og rófumauki

Gljáð svínasíða með kartöflufroðu, steiktum sveppum, karamelluseruðum hnetum

Skötuselur í farsi með volgri agúrku í dilli, jerúsalem ætilþyrstlamauki m/ brúnuðu smjöri og litlum Íslenskum kartöflum

Panacotta með fáfnisgrasi, stjörnuanis og volgum Íslenskum jarðarberjum frá Silfurtúni í eigin safa

Freisting þakkar veitingastaðnum B5 fyrir frábæran mat og þjónustu

Stjórnin