Expert í samstarf við Ó. Johnson & Kaaber og Kaffitár

Það var létt yfir þegar skrifað var undir samninginn sem mun færa félögunum töluverð sóknarfæri til framtíðar.
F.v. Brynjar Már Bjarnason, Árni Stefánsson, Ólafur Ó. Johnson, Þórir Örn Ólafsson og Pétur Ingi Pétursson

Expert ehf., Ó. Johnson & Kaaber og Kaffitár hafa gert með sér samstarfssamning sem kveður á um að Expert taki að sér allar viðgerðir, viðhald og þjónustu kaffivélum sem ÓJK og Kaffitár eru með hjá sínum viðskiptavinum um land allt.

ÓJK og Kaffitár hafa um árabil verið mjög stór á íslenskum kaffimarkaði, en Expert rekur m.a. eitt stærsta þjónustuverkstæði landsins og heimsækir mikinn fjölda ánægðra viðskiptavina í hverjum mánuði.