Ert þú áhugasamur ungkokkur?

Það er Hrefna Rósa Sætran er fyrirliði Ungkokka Íslands 2009

Stofnað hefur verið nýtt félag innan klúbbs matreiðslumeistara og ber það nafnið Ungkokkar KM. Markmið klúbbsins er að efla unga matreiðslumenn og nema, fara í ungkokka keppnir erlendis og bara almenn matargleði.

Í erlendum matreiðslukeppnum sem snúa að ungkokkum eru oft aldurstakmörk en að sjálfsögðu er öllum matreiðslunemum frjálst að sækja um og vera með í öðrum hlutum sem snúa að hreyfingunni.

Áhugasamir einstaklingar eru hvattir til að sækja um en allar umsóknir verða skoðaðar og þeim svarað.

Fullum trúnaði er heitið!

Eftirfarandi kröfur gagnvart umsækjendum eru:

• Vera matreiðslumaður eða á samningi sem matreiðslunemi
• Hafa mikinn áhuga á matreiðslu og því sem henni tengist.
• Hafa gott orðspor í bransanum.
• Hafa 100% uppáskrifað samþykki vinnuveitanda.

Í umsókninni þarf að koma fram nafn, vinnustaður, staða í námi og svo má auðvita skrifa eitthvað skemmtilegt líka.
Áhugasamir sendið umsóknir ykkar á eftirfarandi veffang Hrefna_r@hotmail.com

Umsóknir skulu berast fyrir 17. september 2009. Endilega verið dugleg að segja félögum ykkar í vinnunni og skólanum frá þessari nýju spennandi ungkokka hreyfingu.

Virðingarfyllst
Fyrir hönd KM og Ungkokka KM
Hrefna Rósa Sætran

Mynd: Guðjón Steinsson