Er Myllan að blekkja neytendur?

Ljósmynd tekin af auglýsingu í Morgunblaðinu

Nýtt hamborgarabrauð er að koma í búðir þessa dagana. Þetta er nýjung frá Myllunni sem byggir á aldagamalli hefð og er með djúpar rætur í evrópskri matarmenningu. Brauðin heita Brioche. Þau byggja á um 600 ára gamalli franskri hefð í bakstri og eru dúnmjúk og yndisleg.

Svona hefst tilkynning á vefsíðu Myllunnar um nýju brauðvöruna Brioche.

Það sem vekur athygli er uppskriftin sjálf á Brioche deiginu, en þar er m.a. notað hráefni sem er ekki í takt við upprunalegu uppskriftina.

Svona lítur upprunanlega Brioche uppskriftin út í Larousse Gastronomique

Í facebook grúppu fagmanna í veitingabransanum hefur skapast mikil umræða um innihaldið á Brioche deigi Myllunnar síðustu daga. Fagmenn eru lítt hrifnir af því að Myllan hafi breytt uppskriftinni og skipt smjöri út fyrir smjörlíki og eggjum út fyrir eggjaduft sem ekki er samkvæmt hinni 600 ára gamalli frönsku hefð í bakstri sem auglýst er.

Í bíblíu fagmanna Larousse Gastronomique kemur skýrt fram innihaldið á Brioche deiginu er smjör, ger, vatn, salt, sykur, mjólk, hveiti og egg.

Ef annað hráefni er notað þá er ekki hægt að skíra deigið Brioche.

Nærmynd af innihaldslýsingu í auglýsingunni í Morgunblaðinu

Ljósmynd tekin af Brioche í 10/11 í dag

Myllan auglýsir heilsíðu auglýsingu í Morgunblaðinu í dag og það sem vekur athygli er að innihaldslýsingin er ekki sú sama og á pakkningunni sem seld er í búðum í dag, en þar hefur smjörlíkinu meðal annars verið breytt í smjör.