Elias sigraði heimsmeistarakeppni í súkkulaðigerð – Enginn Íslendingur tók þátt í ár

Elias Läderach fagnaði sigrinum vel og innilega

Í síðustu viku fór fram heimsmeistarakeppnin í súkkulaðigerð World Chocolate Master (WCM) í París. Það að komast í sjálfa úrslitakeppnina er langt ferli, en 20 þjóðir halda undankeppni í sínu landi frá janúar 2017 til janúar 2018.

Sigurvegarar í hverju landi kepptu síðan núna í lokakeppninni sem er stærsta einstaklingskeppni í súkkulaðigerð.

Hver keppandi gerði konfekt, sýningarstykki og súkkulaðistyttu.

Elias Läderach útbjó fallegt listaverk úr súkkulaði

Það var matreiðslumaðurinn Elias Läderach frá Sviss sem sigraði í ár eftir harða keppnin, en í úrslitunum kepptu 10 þjóðir. Í öðru sæti var Yoann Laval frá Frakklandi og í þriðja sæti var bandaríkjamaðurinn Florent Cheveau.

„You are the Usain bolt of chocolate: super focused, super technical, with extreme precision and dedication. Your attention to detail is second nature. Overall amazing, clean, sharp, with a perfect performance.“

Sagði einn af dómurunum í keppninni um Elias.

Tíu keppendur kepptu til úrslita

Í úrslitunum voru eftirfarandi þjóðir:

• Akihiro Kakimoto – Japan
• Barry Johnson – Bretland
• Desmond Lee – Singapúr
• Elias Läderach – Sviss
• Eun-Hye Kim – Kórea
• Florent Cheveau – Bandaríkin
• Jurgen Baert – Belgía
• Michal Iwaniuk – Pólland
• Tor Stubbe – Danmörk
• Yoann Laval – Frakkland

Vídeó

Elias Läderach í World Chocolate Master:

Enginn Íslendingur tók þátt í ár

Enginn Íslendingur tók þátt í ár en keppnin hefur verið haldin frá árinu 2005 og hafa þrír íslendingar tekið þátt. Keppnin er haldin annað hvert ár.

Karl Viggó Vigfússon bakari tók þátt í keppninni árið 2005, Ásgeir Sandholt bakari keppti árið 2011 og Stefán Hrafn Sigfússon bakari keppti í undankeppni árið 2015.

Hafliði Ragnarsson bakari og konditor hefur verið dómari í nokkrum keppnum.

Ásgeir Sandholt hefur náð lengst af Íslenskum fagmönnum, en hann lenti í 5. sæti í heimsmeistarakeppninni World Chocolate Masters árið 2011 og var einungis 1,5 % munur á milli 1. og 6. sætis í fjölda stiga.

Með fylgir brot úr heimildamynd um Ásgeir Sandolt í WCM, sem sýnd var á RÚV:

Auglýsingapláss

Myndir: facebook / World Chocolate Masters