Eldislax ekki til á Íslandi

Samkvæmt heimildum fréttastofu Freisting.is, þá er nær ómögulegt fyrir veitingahús að versla lax fyrir staði sína frá fisksölum.

Ástæðan er að laxeldistöðvar fá mjög hátt heimsmarkaðsverð og hafa þar af leiðandi sent út alla framleiðslu sína á íslenskum eldislaxi og eftir er um 3 tonn á viku sem laxeldistöðvar hafa síðan skipt bróðurlega á milli fisksala.

Rúnar Gíslason matreiðslumaður og eigandi Furðufiska fór þá á leið að flytja inn eldislax frá Noregi og selur meðal annars til Hagkaupa, veitingastaði ofl.

Ekki er vitað hvað skortur á eldislaxi hér á íslandi varir lengi, en sérfræðingar segja að það gæti verið allt að 12 mánuði.

Mynd: úr safni