Bakarar í sigti eftirlitsins

Samkeppniseftirlitið hefur kallað eftir viðbrögðum frá Landssambandi bakarameistara (LABAK) vegna þess sem stofnunin kallar „möguleg brot“ þess gegn samkeppnislögum.

Segir í bréfinu sem að mbl.is greinir frá að eftirgrennslan stofnunarinnar lúti að mögulegum brotum gegn 10. og 12. grein fyrrnefndra laga en um þá fyrrnefndu segir stofnunin í bréfinu að þau séu „ein þau þýðingarmestu í samkeppnislögum“.

Ákvæðinu er ætlað að tryggja að keppinautar hegði sér að öllu leyti sjálfstætt á markaði á þeim sviðum sem mestu máli skipta fyrir samkeppnina.

Í ViðskiptaMogganum í dag ítrekar Páll Gunnar Pálsson, forstjóri Samkeppniseftirlitsins, að LABAK sætti ekki formlegri rannsókn af hálfu stofnunarinnar en að næstu skref yrðu ákvörðuð á grundvelli viðbragða LABAK við fyrrnefndu bréfi, að því er fram kemur á mbl.is.

Uppfært 21. des. 2017 kl: 17:58

• Sjá einnig: Framtíðarsýn LABAK breytt til að taka af öll tvímæli

Mynd: úr safni