Axel gerir það gott hjá Bouchon Bakery keðjunni

Axel Þorsteinsson

Bakarinn & konditorinn Axel Þorsteinsson, yfirbakari Bouchon Bakery í Kúveit, hefur komið sér vel fyrir og nú á dögunum fékk hann nýja stöðu hjá bakaríinu „Brands executive Baker and pastry chef“.

Með nýju stöðunni þá hefur Axel yfirumsjón á bakaríinu, kaffihúsinu og fine dining veitingastað, þ.e. Bouchon bakery, Café Coco og Véranda.

Klassískur morgunverður á Bouchon Bakery

Staðirnir eru staðsettir í Kúveit og Dubai og stefnt er á opnun á nýjum stöðum í Abu Dhabi og Qatar í sumar.

Thomas Keller

Bouchon Bakery keðjan er í eigu stjörnukokksins Thomas Keller og opnaði fyrsta Bouchon bakaríið fyrir utan Bandaríkin í ágúst 2017 og hefur Axel verið með yfirumsjón frá því í byrjun þess.

„Ég er ennþá í Kúveit en flakka miklu meira á milli núna, Dubai, Abu Dhabi, Qatar og Bahrain, en höfuðstöðvar okkar eru í Kúveit og vinnum þaðan.“

Sagði Axel í samtali við veitingageirinn.is og bætir við:

„Við erum í því að breyta matseðlinum hjá Véranda og Café Coco. Fyrir Bouchon erum við að halda áfram með það sem við höfum verið að gera, en tikka inn á daga eins og Valentínusardag, þjóðardag Kúveit og Páska.“

Véranda veitingastaðurinn

https://www.instagram.com/p/BsdFCqhF67y/

Hluti af starfsfólki Bouchon Bakery fagnar eins árs afmælinu í fyrra.
Mynd tekin í ágúst 2018

Myndir: facebook / Bouchon Bakery