Ari Þór Gunnarsson til liðs við Fastus

Ari Þór Gunnarsson

Ari Þór Gunnarsson hefur verið ráðinn í starf söluráðgjafa á fyrirtækjasviði Fastus og hefur hann þegar tekið til starfa. Enn bætist því í hóp öflugra starfsmanna hjá Fastus. Fyrirtækjasvið Fastus býður margþættar tækja- og rekstrarlausnir, veitir ráðgjöf og þjónustu við hótel og veitingastaði, sem og mötuneyti fyrirtækja, skóla og heilbrigðisstofnana.

Ari Þór og er lærður matreiðslumaður og hefur allt frá árinu 2007 starfað sem slíkur, lengst af á Fiskfélaginu, þar sem hann hefur síðustu ár verið yfirkokkur. Undanfarin 10 ár hefur Ari Þór tekið þátt í fjölda matreiðslukeppna bæði hér á Íslandi sem og erlendis og haft þar góðu gengi að fagna. Ari Þór er trúlofaður Eydísi Rut Ómarsdóttur og saman eiga þau tvær dætur.