Nýr ítalskur veitingastaður opnar í Smáralindinni

Bacco Pasta er nýr ítalskur veitingastaður í Smáralindinni, en hann er staðsettur á 2. hæð þar sem Energia var áður til húsa og tekur 50 manns í sæti.

Eigandi Bacco er Ítalinn Cornel G. Popa, maðurinn á bak við matarvagnanna „Little Italy“ sjá hér og „La Cucina“ sem hreppti 2. sætið í keppninni um titilinn Besti Götubitinn 2023.

Cornel G. Popa ræðir hér við gesti.

“Hann var nefndur eftir rómverska mat og vín guðinum, vegna matarins sem ég er að búa til, þá fannst mér nafnið Bacco passa vel.”

Sagði Cornel G. Popa í samtali við veitingageirinn.is aðspurður um nafnið á veitingastaðnum.

“Þetta er minn fyrsti veitingastaður svo hugmyndirnar eru endalausar.”

Segir Cornel og lýsir Bacco sem klassískum ítölskum veitingastað með skandinavískum blæ.

Boðið er uppá ekta ítalska matargerð, ferskt pasta sem er útbúið daglega, súrdeigspizzur og smárétti “antipasti”, Pappardelle með hæg elduðum lamba-bolognese, grænt pasta með pestói, stracciatella ís og margt fleira.

Með fylgja myndir frá opnunardegi Bacco.