Keppni hjá matreiðslunemunum á Fiskmarkaðinum og Grillmarkaðinum

Grillmarkaðurinn

Á sunnudaginn næstkomandi fer fram keppni hjá matreiðslunemunum sem starfa á Fiskmarkaðinum og Grillmarkaðinum.  Keppnin hefst klukkan 08:00 um morgunin á Grillmarkaðinum og verða keppendur ræstir með 15 mínútna millibili.

Það eru 14 matreiðslunemar sem taka þátt og þema er forréttur sem á að innihalda lax og skelfiskur að 50 %.  Hver keppandi hefur 30 mínútur í eldhúsinu og má koma með allt preppað. Gera þarf 5 diska, þ.e 3 fyrir smakk, 1 fyrir myndatöku og einn sýningardisk.

Keppnin verður stjórnað af mikilli fagmennsku og hárfínni næmni þar sem allir kokkar á stöðunum tveimur koma að þessu á einhvern hátt, en þeir eru miklir reynsluboltar og algjörir sérfræðingar á sínu sviði.  Gestadómari er Steinn Óskar, Matreiðslumaður ársins 2006 og fyrrum meðlimur í Kokkalandsliðinu, en hann starfar sem yfirmatreiðslumaður hjá 8 Bitar Vodafone.

Dómarar eru:

Bragðdómarar:

• Axel Björn Clausen
• Hrefna Rósa Sætran
• Steinn Óskar Sigurðsson

Eldhúsdómarar:

• Guðlaugur P. Frímannsson
• Kirill Dom Ter-Martirosov

Hvernig kom það til að þið ákváðuð að halda þessa nemakeppni?

Okkur langaði til að fá nemana til að pæla meira og öðruvísi í hlutunum.  Það er alltaf aldurstakmark í allar nemakeppnir og þar sem nemar á Íslandi eru yfirleitt eldri en t.d. nemar í löndunum í kringum okkur, þá langaði okkur að halda keppni þar sem ekkert aldurstakmark er

, sagði Hrefna Rósa Sætran í samtali við veitingageirinn.is.

Þeir sem keppa eru:

• Arnór Ingi Bjarkason
• Bergsteinn Guðmundsson
• Bjartur Elí Friðþjófsson
• Einar Óli Guðnason
• Guðrún Ása Frímannsdóttir
• Hekla Karen Pálsdóttir
• Henrý Ottó Haraldsson
• Íris Jana Ásgeirsdóttir
• Ívar Guðmundsson
• Ívar Þór Elíasson
• Nick Andrew Torres La-Um
• Sindri Freyr Mooney
• Stefanía Sunna Róbertsdóttir
• Sölvi Steinn helgason

Veitingageirinn.is kemur til með að gera góð skil á keppninni og verður meðal annars bein útsending að hætti Instagram.

Mynd úr safni: Matthías

/Smári