El Faro á Garðskaga skellir í lás

El Faro er staðsettur á Lighthouse Inn hótelinu við Garðskaga.

Spænski veitingastaðurinn El Faro á Garðskaga lokar fyrir fullt og allt í lok september vegna breyttra aðstæðna.

Staðurinn opnaði í apríl í fyrra og naut mikilla vinsælda strax frá opnun þess. El Faro hefur boðið upp á bragðgóðan spænskan og Miðjarðarhafsmat og Tapas með fersku íslensku hráefni og er allt unnið frá grunni.

Tilkynningin frá El Faro:

Kæru viðskiptavinir!
Við höfum nú tekið þá erfiðu ákvörðun um að loka El Faro í lok september vegna breyttra aðstæðna. Þetta hefur verið ótrúlegt ævintýri og erum við afar þakklát öllum þeim frábæru viðskiptavinum, starfsfólki og velunnurum El Faro fyrir viðskiptin, hlýjuna og góð samskipti á þessu eina og hálfa ári sem við höfum haft opið.

Við hvetjum alla þá sem eiga gjafabréf hjá okkur að nýta þau sem allra fyrst. Við munum tilkynna um nákvæma lokunardagsetningu þegar nær dregur. Nú fer hver að verða síðastur til að kíkja á okkur! Vonumst til að sjá ykkur sem flest þangað til.
Kærleikskveðjur, El Faro Teymið

Matseðillinn

Myndir; facebook / El Faro