Góðgerðarpizza Dominos og Hrefnu Sætran komin í sölu

Sala á Góðgerðarpizzunni 2020 í samstarfi við meistarakokkinn Hrefnu Sætran hefst í dag hjá Domino´s, en samstarfið hófst 2013 svo þetta er í áttunda skipti sem boðið er upp á Góðgerðarpizzuna hjá Domino‘s.

Á pizzunni er klassíska pepperoni, paprika, salatostur, rauðlaukur, léttþurrkaðir tómatar og gómsætt basilpestó.

Hægt er að aðlaga pizzuna að sínum þörfum á vefnum dominos.is. Nú fylgir einnig 2l Coke með öllum Góðgerðarpizzum.

Öll sala rennur beint til Píeta samtakanna sem sinna forvarnarstarfi gegn sjálfsvígum og sjálfsskaða fyrir 18 ára og eldri ásamt því að veita aðstandendum stuðning.  Símaþjónusta Píeta hófst 1. júlí 2020, en þá var opnað fyrir símaþjónustu allan sólarhringinn í tilraunaskyni. Fljótt varð ljóst að þörfin fyrir þjónustuna var gríðarlega mikil en sérþjálfað starfsfólk frá Píeta samtökunum skiptist á símavöktum. Einstaklingar sem glíma við sjálfsskaðandi hegðun eða eru í sjálfsvígshættu geta þurft á stuðningi að halda hvenær sem er sólarhringsins og er því gríðarlega mikilvægt að hægt sé að halda þjónustunni opinni áfram.

Þið getið haft áhrif og keypt Góðgerðarpizzuna hér.

Mynd: dominos.is