Einn háþróaðasti veitingastaður heims opnar á Hafnartorgi – Róbotar sjá um að hrista kokteila

Róbotarnir Floki og Ragnar bjóða upp á yfir 100 tegundir af kokteilum

Einn tæknilega fullkomnasti bar heims opnaði um helgina í Hafnartorgi. Róbotar sjá um að hrista kokteila, þrívíddarprentaður matur er á boðstólum og hvert borð er með sérstakt hljóðkerfi, að því er fram kemur á mbl.is.

Staðurinn heitir ICE+FRIES Glacierfire og er staðsettur við Hafnartorg í Reykjavík. Boðið er upp á fjölmarga kokteila ásamt ýmsum léttum réttum.

Eigandi er Íslandsvinurinn Priyesh Patel sem stefnir á að opna fleiri staði víðsvegar um heiminn á næstunni. Í frétt í Morgunblaðinu segir að meira en 2 milljónum Bandaríkjadollara hefur verið varið í undirbúningsvinnu fyrir verkefnið en róbotarnir, sem hafa fengið nöfnin Ragnar og Flóki, geta hrist 150 kokteila á klukkustund.

Franskar kartöflur með súkkulaðiköku og súkkulaðisósu

Frumlegur réttur, franskar kartöflur með súkkulaðiköku og súkkulaðisósu

Réttirnir á matseðlinum eru í Street Food stíl með frönskum kartöflum, frambornar með ýmsu meðlæti, reyktum lax, kjúkling, naut, súkkulaðiköku og súkkulaðisósu svo fátt eitt sé nefnt. Sjá matseðil hér.

Eftirréttir eru fáir eða súkkulaðisjeik með strákartöflum og Sorbet sem heitir „Black Blóð“.

Drykkjarseðillinn er stór, en hann inniheldur skot, bjór, sterka drykki og yfir 100 tegundir af kokteilum sem að róbotarnir Floki & Ragnar framleiða.

Vídeó:

Viðtal við Priyesh

Myndir: glacierfire.is