Sushi námskeið í Veisluturninum

Freisting ákvað að smella sér á sushi námskeið í Veisluturninum undir styrkri leiðsögn Sigurðar Karls, snillingur þar á ferð!!!

Námskeiðið var í formi fyrirlestrar og sýnikennslu með myndvarpa og kom þrælvel út, skýr framsetning og Siggi nánast eins og lifandi Google.com um sushi, tæklaði spurningar úr sal, fumlaus og svellkaldur.

Stiklað var á stóru um sushi, gerð grjóna, edikið, suðuundirbúning og þvott á grjónum og mér sýndist viðstaddir dálítið hissa á þessu öllu saman en til að gera gott sushi þarf nákvæmni og undirbúning.  Greinilegt að sushi er ekki sama og sushi.

Sushi-orðabók er hluti af námskeiðsgögnum og greinilega ekki sama hvort rúllan er á réttunni eða röngunni, meistarinn fór í gegnum helstu atriði og endaði á að smella saman rúllum og koddum og þvílíkur hraði á kallinum, ussssss.

Látum myndirnar tala sínu máli, sushi-hressing á miðju kvöldi var í boði Veisluturnsins og smakkaðist mjög vel.

Minni á að Sigurður Karl hefur opnað www.suzushii.is á Stjörnutorgi Kringlunnar, nú er bara að kíkja á kallinn og smakka sushi á heimsklassa.

Smellið hér til að skoða myndir frá námskeiðinu.
/ Almennar myndir / Sushi námskeið

Myndir: Matthías Þórarinsson
Texti: Matthías Þórarinsson