Hótel D´Angleterre valið besta hótel Danmerkur

Hótel D´Angleterre hlýtur í ár verðlaun World Travel Awards sem besta hótel Danmerkur. Er þetta í fjórða sinn sem Hótel D´Angleterre hlýtur þessi verðlaun. Þá var Royal-svíta hótelsins valin besta hótelsvíta Danmerkur.

Bestu hótel World Travel Awards eru valin í kosningu þar sem um 110 þúsund ferðaskrifstofur um allan heim taka þátt, samkvæmt fréttatilkynningu.

Hótel D´Angleterre er í eigu íslenska fjárfestingafélagsins Nordic Partners ehf. en félagið keypti nýverið öll hótel og veitingastaði Remmen-hótelkeðjunnar auk reksturs veitingastaðarins Copenhagen Corner.

Árið 2006 fékk Hótel D´Angleterre 5 stjörnur í „The Michelin Guide“ en ekkert annað danskt hótel hefur náð þeim árangri fyrr né síðar, samkvæmt tilkynningu.

Greint frá á Mbl.is

[email protected]