Karl K Karlsson lækkar verð

Karl K Karlsson hefur tekið til gagngerar endurskoðunar verð á áfengum vörum í sínu vöruvali og í kjölfarið lækkað verð á fjölmörgum tegundum af léttvínum og sterku áfengi. Helsta ástæða þessa verðbreytinga eru hagstæðari samningar við birgja og gengisstyrking krónunnar.

Þetta gildir bæði um tegundir í vöruvali ÁTVR sem og þeirra vara sem standa veitingamönnum til boða. Okkar von er sú að þessi lækkun skili sér beint til neytanda og muni stuðla að betra samstarfi við viðskiptavini okkar á veitingamarkaði.

Sem dæmi um verðlækkanir má nefna allt að 25% verðlækkun á premium tequila frá Patron, 13% verðlækkun á Valdo Prosecco og allt að 20% verðlækkun á nýsjálensku gæðavínunum frá Villa Maria.

Þetta er aðeins brot af þeim lækkunum sem orðið hefur á vöruvali og bendum við öllum á að kynna sér verðlistann okkar sem nú er aðgengilegur á heimasíðu okkar.

Mánaðarlega uppfærum við þennan lista og bætum oftar en ekki við spennandi tilboðum sem við viljum hvetja alla veitingamenn til að nýta sér sem og aðra viðskiptavini, en allar vörur er hægt að sérpanta í gegnum ÁTVR.