Keppnin um matreiðslumann ársins

Stjórn Klúbbs matreiðslumeistara hefur ákveðið að færa keppnina um matreiðslumann ársins yfir á haustið í stað seinnipart vetrar eins og verið hefur í mörg ár.  Nokkrar ástæður liggja að baki þessari ákvörðun.  Haustið hentar mjög vel vegna árstíðabundins framboðs af hráefni og þá stemmir hún betur við sýninguna á Akureyri þar sem keppnin fer fram annað hvert ár.  Einnig hefur sýningin í Smáranum breyst úr matarsýningu í ferða- og golfsýningu og hentar því ekki lengur að vera með matreiðslukeppni þar inni.

Framkvæmdanefnd um keppnina matreiðslumaður ársins hefur ákveðið að keppnin verði haldin á bilinu 10. sept -15. okt og verður keppt með leyndarkörfu úr haustmat.  Staðsetning og nánara fyrirkomulag verður kynnt síðar.

Fyrir hönd stjórnar Klúbbs matreiðslumeistara

Ingvar Sigurðsson
Forseti