Grillað á stærsta grilli á Íslandi?

Einsi kaldi (hægra megin) ásamt aðstoðarmanni sínum Gunnari við nautið góða.

Í ár eru 36 ár frá gosinu í Vestmannaeyjum, en þar fer fram Goslokahátíð nú um helgina og miklu hefur verið kostað og vandað til fyrir hátíðina.

Fjölbreytt verður um helgina og eins og ávallt heldur Vetmannaeyjabær hátíðina öllum að kostnaðarlausu.

Einsi kaldi og félagar hans byrjuðu í hádeginu að heilgrilla nautaskrokk við Höllina í Vestmannaeyjum.  Til verksins nota þeir stærsta grill Íslands en gestir Goslokahátíðarinnar geta fengið sér bita af nautinu á morgun, en þetta kemur fram á vef Eyjafretta.is

Steikin kostar aðeins 1.500 krónur og er að sjálfsögðu meðlæti innifalið í verðinu.  Kokkarnir áætla að framleiða um 40 lítra af bernaissósu til að bera fram með nautinu á morgun.

Hægt er að skoða fleiri myndir af grillinu á Eyjafrettir.is með því að smella hér.

Mynd: Eyjafrettir.is