10 þúsund á matvælasýninguna

Um það bil tíu 10 þúsund manns komu á sýninguna MATUR-INN 2007 sem haldin var í húsakynnum Verkmenntaskólans á Akureyri um helgina.

Það voru framleiðendur á Norðurlandi sem sýndu afurðir á sýningunni og samhliða fór fram úrslitakeppni um titilinn matreiðslumaður ársins. Þráinn Freyr Vigfússon, sem starfar á Grillinu á Hótel Sögu, sigraði og hlaut titilinn eftirsótta. Þeir sem kepptu við Þráin Frey voru Ari Freyr Valdimarsson, Grillinu, Eyjólfur Gestur Ingólfsson, Iðusölum, Þórarinn Eggertsson, Múlakaffi og Ægir Friðriksson, Grillinu.

Í sambærilegri keppni „leikmanna“ í gær sigraði Ágúst Ólafsson, forstöðumaður RÚV á Akureyri. „Það kom gestum á óvart hve margir eru að starfa í þessum matvælageira,“ sagði Júlíus Júlíusson talsmaður sýningarstjórnar við Morgunblaðið, alsæll. „Við fundum fyrir gríðarlegri ánægju sýnenda. Það eru allir í skýjunum.“

Greint frá á Mbl.is

[email protected]