Nýtt kaffihús og Bistro opnar á morgun á Dalvík

Á morgun laugardaginn 26. október fyrsta dag vetrar opna hjónin Júlíus Júlíusson og Gréta Arngrímsdóttir nýtt kaffihús og Bistro í Menningarhúsinu Bergi á Dalvík.

Á opnunardaginn verður opið frá klukkan 11 og fram á kvöld.  Kaffi, kökur, smáréttir, fræðslufyrirlestur, tónlist og tilboð.  Fastur opnunartími er þriðjudaga til föstudaga frá klukkan 11 til 18, laugardaga 11 til 17, sunnudaga  12 til 17 og á mánudögum er lokað.

Við verðum með mat í hádeginu virka daga og einnig með ýmis sérkvöld í mat og viðburðum sem verða auglýstir nánar í hvert skipti.  Það er mikið af viðburðum í menningarhúsinu og Þula er alltaf opin á þeim tíma, en Þula er bókasafnið í húsinu og flottur fjölmenningarsalur. Upplagt að grípa bók og setjast niður á Þulu. Þar er einnig að finna flest tímarit, dagblöð dagsins og frítt netsamband.  Tökum við smáum sem stórum hópum í mat, kaffi eða óvissuferðapakka. Fyrirspurnir og pantanir í síma 8979748 og [email protected]

, sagði Júlíus hress í samtali við veitingageirinn.is aðspurður um opnunartíma og hvað verði á boðstólnum.

Þula og Menningarhúsið Berg eru með sameiginlega síðu á facebook, gerist vinir og fylgist með uppákomum, tilboðum og öllu því áhugaverða sem í boði verður.  Sælkeravörur Áhugamannsins verða til sölu í Þulu, sælkerakrukkur og gjafapakkningar ofl.

/Smári