Nýr réttur á Roadhouse

Einn af réttunum sem að veitingastaðurinn Roadhouse er frægt fyrir eru heimagerðu frönsku kartöflurnar og getur fréttamaður staðfest það að þær eru algjört sælgæti, þó mættu skammtarnir vera aðeins stærri, en það er kannski vegna þess að þær eru svo góðar.

Roadhouse hefur að undanfarnar vikur þróað aðra tegund af heimagerðum frönskum sem heita „CRISPY CRUNCHY TASTY FRIE“.

En fyrst forvitnaðist Veitingageirinn.is um hvernig þessar klassísku heimagerðu frönskurnar sem hafa verið á boðstólnum frá upphafi eru gerðar og fengum við Baldur  yfirmatreiðslumann á Roadhouse til uppljóstra aðferðina fyrir lesendur veitingageirinn.is:

1. Skera þær og skola en þetta er gert kvöldinu áður, svo eru þær geymdar á kæli í vatni yfir nótt
2. Forsteiktar á 150 C° í 3 til 4 mínútur á grindum, hristar með jöfnu tímabili eftir fyrstu 1 og 1/2 mín, settar í gastró og kældar
3. Allar franskarnar losaðar í sundur ef einhverjar eru fastar saman og pakkaðar í stærri einingar
4. Best ef þær fá svo að standa í kælir í 1 til 2 daga fyrir notkun svo yfirborðið þornar aðeins meira og gefi meiri stökkleika
5. Djúpsteiktar á 180 C° þangað til gullinbrúnt saltað og borðað með bestu list

En hvað er leyndarmálið að ná nýju frönskunum svona flottar og crispy?
„Það er ein aðferð sem okkur langar svolítið að eiga fyrir okkur eða allavegana aðeins lengur, en það er búið að fara mikil undirbúningsvinna að finna bestu aðferðina.  Einnig fengum við þá hjá Bönunum að eiga alltaf til sterkjumiklar bökunarkartöflur fyrir okkur, því þær komu langbest út þegar við vorum að prófa okkur áfram“, sagði Baldur H.Guðbjörnsson yfirmatreiðslumaður Roadhouse í samtali við veitingageirinn.is

Myndir: af facebook síðu Roadhouse.
/Smári