Ingibjörg Ringsted sigraði keppnina Dömulegur eftirréttur

Ingibjörg ánægð með sigurinn

Ingibjörg Ringsted framkvæmdarstjóri Lostætis á Akureyri sigraði keppnina Dömulegur eftirréttur sem haldin var á sýningunni Matur-inn 2013 í gær. Sýningin hófst á föstudaginn síðastliðinn í Íþróttahöllinni á Akureyri og lauk í gær og voru sýnendur um 30 talsins. Sýningin var haldin í sjötta sinn en hún er haldin á tveggja ára fresti, en síðast sóttu hana hátt í 15 þúsund manns á tveimur sýningardögum.

Eftirrétturinn hennar Ingibjargar

Ingibjörg gerði hvítsúkkulaðimús með súkkulaðiskrauti og hindberjabotni sem borið var fram í dessertglasi í keppninni Dömulegur eftirréttur, en uppskriftin verður birt hér á vefnum á næstu dögum.

Alls voru 6 keppendur en þær voru:

• Guðrún Gísladóttir – Framkvæmdarstjóri Átaks
• Ingibjörg Ringsted- Framkvæmdarstjóri Lostætis á Akureyri
• Hrafnhildur E. Karlsdóttir- Hótelstjóri Hótels KEA
• Vilborg Jóhannsdóttir – Eigandi tískuvörubúðarinnar Centro
• Martha Óskarsdóttir – Verkefnastjóri eldvarnareftirlit hjá Slökkviliðinu
• Jóna Jónsdóttir – Starfsmannastjóri Norðlenska

Dómarar að störfum. Erfitt starf en einhver verður að sinna þessu.

F.v. Heimir Áskeirsson hjá Darra – Eyjabita á Grenivík, Ingvar Gíslason markaðsstjóri hjá Norðlenska ásamt meðlimum í Klúbbi Matreiðslumeistara þau Júlía Skarphéðinsdóttir og Örn Svarfdal

Í lok sýningar var uppboð á gjafakörfum frá sýnendum á sýningunni. Rúsínan í pylsuendanum var þegar matarboð fyrir 8 manns var boðið upp, þá ætlar Klúbbur matreiðslumeistara á Norðurlandi að koma í heimahús og elda 3ja rétta matarveislu og sjá um allan frágang. Var þessi veisla slegin til Darra – Eyjabita á Grenivík fyrir 210.000 kr. Norðlenska lagði sömu upphæð málefni liðs sem var Krabbameinsfélag Akureyrar og Nágrennis. Samtals safnaðist um 700.000 krónur til félagsins í uppboðinu.

/Kristinn