Búllan meðal 20 svölustu veitingastaða Bretlands

Dagblaðið The Times gefur Hamborgarabúllunni í London frábæra umsögn. Ný Búlla opnuð í Chelsea-hverfinu seinna í mánuðinum.

Hamborgarabúllan í London, eða Tommi‘s Burger Joint eins og staðurinn heitir þar í landi, fékk frábæra umsögn í dagblaðinu The Times í London. Staðurinn var valinn einn af 20 svölustu veitingastöðum Bretlands. Umsögnin kemur á frábærum tíma því aðstandendur staðarins hafa stækkað við sig og opna nýjan veitingastað á King‘s Road í London. Róbert Aron Magnússon, einn eigenda Tommi‘s Burger Joint, er að vonum ánægður með gang mála.

Þetta er algjörlega frábært. Bæði umsögnin og stækkunin. Í sumar fengum við óvænt tækifæri til þess að stækka við okkur og ákváðum að skella okkur á það

, segir Róbert í samtali við Fréttablaðið.

Staðsetningin á nýja staðnum er frábær að sögn Róberts.

Þetta er mjög vinsæl verslunargata og margir flottir veitingastaðir í kring. Þetta er í Chelsea-hverfinu, hér er nóg um að vera.

Stefnt er að því að opna staðinn fyrir desemberbyrjun, að því er fram kemur í Fréttablaðinu í dag.

Mynd: af facebook síðu Tommi‘s Burger Joint.

/Sverrir