Virk matvæli úr nýju sjávarfangi

Við teljum að fundin verði ný lífvirk efni í fiski og öðrum sjávarafurðum. Þegar það gerist, mun matvælaiðnaðurinn taka við og þróa nýjar neysluvörur sem nýtast munu í baráttunni gegn lífsstílssjúkdómum, byggt á rannsóknum á sjávarafurðum, segir Rolf Kristian Berge, prófessor við háskólann í Bergen (UiB).

Berge er framkvæmdastjóri nýs öndvegisseturs um rannsóknir á matvælum og heilsu. Fyrirtækin Biovitrum í Svíþjóð og Zora Biosciences í Finnlandi eru samstarfsaðilar setursins.

Nýja norræna rannsóknasetrið um lífvirk efni í sjávarafurðum og fyrirbyggjandi aðgerðir gegn lífsstílssjúkdómum (MitoHealth) mun rannsaka hvernig matur unnin úr sjávarafurðum getur komið í veg fyrir nútíma lífsstílssjúkdóma. Mikil áhersla verður lögð á að rannsaka prótein í sjávarafurðum. Reiknað er með að í sjávarlífverum geti verið virk efni sem geti stuðlað að bættri starfsemi frumuhvatbera..

Í verkefninu verður leitast við að nýta niðurstöðurnar til hagsbóta fyrir neytendur. Meðal annars er stefnt að því að þróa svokölluð virk matvæli fyrir norrænan markað. Mat sem hefur það fram yfir venjulegan mat að hafa áhrif á heilbrigði fólks auk þess að vera næringarríkur.

MitoHealth er eitt af þremur rannsóknasetrum um mat, heilsu og næringarrannsóknir sem er tilnefnt sem öndvegissetur með fimm ára rannsóknastyrk frá NordForsk. Nýrri áætlun NordForsk NCoE Food, Nutriotion & Health var ýtt úr vör á ráðstefnu sem haldin var á Voksenåsen í Ósló í júní 2007.

Auglýsingapláss

Heimild: NN – norden.org

[email protected]