Viðtal við Stefán Cosser

Stefán Cosser

Fréttamaður Freistingar tók viðtal við nema mánaðarins, Stefán Cosser.

Hvar ertu að vinna?

Ég er að læra kokkinn á Nordica hotel en ég er að vinna út desember mánuðinn á The Fat Duck í England.

Útaf hverju The Fat Duck?

Ég hef heyrt mikið um staðinn og þeir nota svokallaða “molecular gastronomy” þar sem þeir notast mikið við efnafræði til að gera betri og flóknari mat en sést hefur.  Sem dæmi eru þeir með lax hjúpaðann með heitu lakkríshlaupi og beikon og eggja ís í eftirrétt.

Hvað verðurðu lengi?

Ég verð bara í mánuð og kem aftur í lok desember

Hvað heitir yfirkokkurinn?

Heston Blumenthal er eigandinn en yfirkokkurinn heitir Ashley Watts og er ekki nema 27 ára!

Eru margir í eldhúsinu?

Já!  Það eru 2 eldhús, eitt fyrir prepp og eftirrétti og svo sjálft keyrslueldhúsið.  Það eru um 20 matreiðslumenn á vakt og unnið frá 8 á morgnanna til 22-01 eftir því á hvaða stöð maður er.

Hvernig matargerð er þarna?

Ég veit varla hvað ég á að kalla þessa matargerð…þeir notast við enska og franska klassík en nota nýjar aðferðir og samsetningar.  Þeir eru með heilt tilraunaeldhús hérna og matreiðslumenn í vinnu við að þróa nýja rétti og hugmyndir.

Er þetta Michelin staður?

Já, The Fat Duck er einn af þremur veitingastöðum í Englandi með 3 stjörnur.  Hinir staðirnir eru Gordon Ramsay og The Waterside Inn.

Hvað tekur staðurinn marga í sæti?

Þeir taka mest 47 í sæti og er uppbókað alla daga, bæði í hádegismat og kvöldmat.

Er staðurinn gamall?

Ég held að staðurinn sé núna um 10 ára gamall.

Hvað færðu að gera í eldhúsinu þarna?

Það er allt mögulegt, stundum er ég bara að preppa grænmeti en svo er ég líka með í keyrslunni.  Í gær var ég t.d. að búa til foie gras ballontine og var í eftirréttum og ísgerð á fimmtudaginn.

Hvenær útskrifastu?

Ég fer í þriðja bekkinn eftir áramót og útskrifast vonandi í vor.

Hvað á að gera eftir að þú útskrifast?

Ég hef ekki hugmynd!  Mig langar að fara út að vinna einhversstaðar, kannski í Englandi eða annarsstaðar í evrópu.

Gangi þér vel úti á The Fat Duck!

Sjá heimasíðu The Fat Duck