Valtýr Bergmann með Spassimongó sigraði

Kokkteil-keppni undir merkjum Finlandia Vodka Cup, fór fram 6. des. s.l. á veitingahúsinu Kaffi-Sólon.

Á annan tug uppskrifta barst og fengu allir sem sendu inn uppskrift að spreyta sig með því að laga sína uppskrift til þess að þær tilfinningar sem tengdar voru drykknum fengju að njóta sín.

Leikar fóru þannig að reynslan sigraði þar sem Valtýr Bergmann fór með drykkinn Spassimongó.  Valtýr er sigursæll, hokinn af reynslu og hefur víða farið við góðan orðstír.

Valtýr mun leggja land undir fót með uppskriftina af Spassimongó í farteskinu og halda til Lapplands þar sem hann mun þreyta kapp við barþjóna frá öðrum löndum í keppni sem nefnist Finlandia Vodka Cup International.

Við óskum Valtý til hamingju með sigurinn og megi hann eiga sigursæla ferð.

Spassimongó:

• 4 cl.  Finlandia Mango
• 1 cl.  Drambuie
• 1,5 cl. Pisang ambon de kuyper

Hristur

• Fyllt upp með Burn orkudrykk
• Skreyting: Ferskir ávextir / grænmeti

Höf: Valtýr Bergmann

Vefsíða Barþjónaklúbbs Íslands: www.bar.is

Mynd: Bar.is | [email protected]