Uppskrift – Mozzarella fiskréttur

Mozzarella fiskréttur

Þessi fiskréttur er svo fljótlegur og góður, akkúrat það sem maður þarf í miðri viku.

Pestóið og mozzarella osturinn gefa svo gott bragð. Með þessum rétti er gott að vera með hrísgrjón eða bankabygg.

Uppskriftin er fyrir 4 – 5 manns.

Innihald:

860 g ýsuflök

180 g rautt pestó

1 dós mozzarella perlur

10 – 12 döðlur

basilika handfylli

salt og pipar

Aðferð:

Þú byrjar á því að skola fiskinn og þerra, skerð svo flökin niður í hæfilega stóra bita. Raðar fisknum í botninn á eldföstu móti og kryddar fiskinn með salti og pipar. Setur rauða pestóið yfir fiskinn og dreifir því vel yfir alla bitana. Skerð döðlurnar í bita og raðar yfir fiskinn. Þú setur svo mozzarella kúlurnar yfir fiskinn ásamt niðurskorinni ferskri basiliku.

Rétturinn er svo hitaður við 180 gráður í 25 mínútur. Á meðan er tilvalið að sjóða hrísgrjón, útbúa salat eða hvítlauksbrauð.