Sveppur ógnar þjóðartákni Panama

Banvænn sveppur breiðist út um allt Panama  og drepur lífverur sem lifa bæði á landi og í vatni. Sveppurinn gæti útrýmt þjóðartákninu, gylta frosknum.

Sérfræðingur hjá Smithsonian-rannsóknarstofnuninni í Panama telur reyndar að gullni froskurinn hafi verið í verulegri útrýmingarhættu áður en svampurinn hóf innreið sina á vatnsvæðinu en svampurinn geri sennilega útslagið.

Þessi dularfulli sveppur breiðist hratt út samkvæmt skýrslu Háskólans í Suður Illinois. Hann þrífst á húð dýra, lokar henni og kæfir þannig dýrið. Hjá mörgum tegundum froska er skinnið eins og lungu spendýra og ef sveppurinn nær að hjúpa það drepst froskurinn.

Í sams konar rannsókn, sem bar birt í síðasta mánuði í vísindaritinu Nature, var skýringin á útbreiðslu sveppsins rakin til hlýnandi loftslags.

Ekkert er vitað um útbreiðslu gullna frosksins í Panama og því ekki vitað hve lengi hann stenst ásókn sveppsins. Sem áður sagði var hann í hættu fyrir vegna skógarhöggs, mengunar og ræktunar landsins.

Vísindamenn frá Suður Illinois segja að sveppurinn hafi komið til Panama árið 1993 og hafi fyrst greinst í froskum við Karíbahaf í október 2004. Innan nokkurra mánaða hafði hann drepið 57 af 70 tegundum af froskum, körtum og salamöndrum á svæðinu. Sami sveppur finnst víða í heiminum en hann var fyrst greindur í Suður Afríku á fjórða áratug síðustu aldar. 

Greint frá á ruv.is

[email protected]