Róbert Aron Garðarsson Proppé komst í 15 manna úrslit – Berst um heimsmeistaratitilinn í dag – Myndir og vídeó

Íslenski barþjónninn Róbert Aron Proppé Garðarsson tryggði sér í gærkvöldi sæti í 15 manna úrslitum á World Cocktail Championship (WCC) 2025 í Cartagena, eftir frábæran árangur í undankeppninni. Þar kepptu barþjónar frá 97 löndum í undanúrslitum.

Róbert Aron, fulltrúi Íslands, heillaði dómara með kokteil sínum, Prelude, í flokknum „Before Dinner“.

Drykkurinn er samsettur úr Espolon Reposado Tequila, Campari, Monin Timur Berry Cordial og íslensku sódavatni. Með þessum árangri hefur Róbert Aron slegið út fjölda keppenda og er nú meðal þeirra bestu í heimi.

Úrslitakeppnin í dag:

Spennan er í hámarki þar sem Róbert Aron þreytir lyktar og bragðpróf auk þess að taka þátt í svokallaðri „Market Challenge“ keppni.

Eftir þessar keppnir munu svo 3 keppendur keppa til úrslita og standa uppi sem heimsmeistari barþjóna.

Þetta er lokadagur keppninnar þar sem heimsmeistarar í hverjum flokki verða krýndir.

Dagskrá keppninnar í dag (Miðvikudagur 26. nóvember):
Viðburður ÍSLENSKUR TÍMI:
WCC Classic Semi-Final 14:00
WCC Classic Super Final (ÚRSLIT) 17:00–22:00
Gala Dinner & Verðlaunaafhending 01:00–03:00

Hvar á að fylgjast með?

Íslendingar eru hvattir til að fylgjast með Róberti berjast um heimsmeistaratitilinn í beinni útsendingu.

Bein útsending á instagram-síðu Barþjónaklúbbs Íslands hér.

Við óskum Róberti Aroni Proppé Garðarssyni, fulltrúa Íslands, fyllilega góðs gengis í úrslitakeppninni.

Myndir og vídeó: Ómar Vilhelmsson