Nýtt veitingahús við Grandagarð 9

Sjanghæ er nýtt austurlenskt veitingahús við Grandagarð 9 sem opnar í dag fimmtudaginn 15. janúar.  Boðið er upp á hlaðborð með miklu úrvali á 1.790 kr. bæði í hádeginu og á kvöldin. Af matseðli er jafnframt hægt að velja milli fjölda girnilegra rétta.

Matargerðin er í senn klassísk og fjölbreytt og byggir á hefðum hinna ýmsu Asíulanda.  Á boðstólum eru alþekktir og vinsælir réttir eins og  djúpsteiktar rækjur með súrsætri sósu og fjölbreyttir núðluréttir auk kjúklings, svínakjöts, nauts og lambs í alls konar útgáfum.  Auk þess er lögð áhersla á ferskt sjávarfang, ekki síst í réttum dagsins, enda er höfnin handan götunnar og fiskmarkaðurinn spölkorn frá.  Ha Hoang Lam frá Víetnam stendur vaktina í eldhúsinu ásamt Analisa Montecello frá Filippseyjum.

Opið er alla daga á Sjanghæ, mánudaga til laugardaga kl. 11.30-21 og sunnudaga kl. 16-21. Hægt er að taka með sér allan mat og sérstaklega hagstætt er takeaway-tilboð á 1.790 kr. á mann.  Pöntunarsíminn er 517-3131.  Sjanghæ býður auk þess  upp á veisluþjónustu þar sem Mínir menn, veisluþjónusta Magnúsar Inga Magnússonar veitingamanns, sem rekur einnig Sjanghæ, Sjávarbarinn og Texasborgara sjá um veisluna þína.

Nánari upplýsingar um Sjanghæ er að finna á vef staðarins, sjanghae.is, og á Facebook.

Mynd: úr safni

/Smári