Ný norrænt smurbrauð – Smurstöðin í Hörpunni – Veitingarýni

Nýlega átti ég þess kost að fá að smakka á réttum á nýja matseðli Smurstöðvarinnar í Hörpu. Hrafnhildur Steindórsdóttir er veitingastjóri þar og Bjarni Gunnar stjórnar eldhúsinu, bæði tvö flottir fagmenn.

Á Smurstöðinni er allur matur lagaður frá grunni og meira segja eru þau með heimagerða snafsa

Þar er allur matur lagaður frá grunni og meira segja eru þau með heimagerða snafsa og er það mikið fagnaðarefni sá viðsnúningur sem hefur orðið í faginu að laga frá grunni og hætta að kaupa tilbúna vöru.

Einnig hefur innréttingum aðeins verið breytt, þannig að það virkar einhvern veginn betur á mann.

En að aðalatriðinu matnum og þjónustunni.

Það sem ég fékk var eftirfarandi:

Brauðplatti með súrdeigsbrauði, osti og þeyttu smjöri

Brauðið er með malti sem gerir það svona dökkt og þvílíkur unaður að borða það með íslensku smjöri.

>>Leverpostej<< með fjallagrösum, Flúðasveppum, piparbeikoni og krækiberjahlaupi, borið fram með ristuðu rúgbrauði

Vá þetta er ein sú besta lifrakæfa sem ég hef smakkað á.

Kremuð, kraftmikil fiskisúpa með sjávarfangi ásamt fenneli, selleríi og vatnakarsa

Mjög gott fiskbragð af súpunni sem er sjældgæft nú um stundir, mæli hiklaust með henni.

>>Rødspætte<< með remúlaði, kryddjurtasalati, hafþyrniberjum og brenndri sítrónu

Fiskurinn mjög góður, en brauðið sem var undir, stal bragðinu.

F.v. Egg og rækjur, Kjúklingur og Reyktur nautahryggvöðvi

Egg og rækjur með brenndu majónesi, hafþyrniberjum, skjaldfléttu og stökkum nípuflögum

Mjög góð og flott samsetning á bragði.

Kjúklingur >>kyllingesalat<< með spergli, piparbeikoni og sólþurrkuðum íslenskum tómötum

Mjög bragðgott en helst til salt.

Reyktur nautahryggvöðvi með súrsuðu hindberja-remúlaði, rifinni piparrót, stökkum lauk og kerfli

Himnesk eldun á nautinu, milt reykbragð og meðlæti passar vel inn í flóruna.

Rabarbari, sýrt vínberja- og vanillusíróp, >>flødebolle<< og jarðarberjaís

Draumur í dós, algjört sælgæti.

Þetta var virkilega skemmtileg upplifun í mat og þjónustan stóð fyllilega fyrir sínu og er óhætt að segja að staðurinn eldist vel og verður bara betri og betri.

Takk kærlega fyrir mig.