Kaupmannahöfn | 1. kafli

Örn Garðarsson matreiðslumeistari

Það var um tvö leitið fimmtudaginn 13. nóvember sem að við félagarnir lögðum af stað í enn eina ferðina og nú skyldi skroppið út fyrir landsteinana, nánar tiltekið til Kaupmannahafnar.

Markmið ferðarinnar var að borða danskt jólahlaðborð og klassískan danskan mat og munum við segja frá ferðinni frá og með hér.

Þegar við komum til Keflavíkur fórum við í heimsókn til hans Arnars Garðarssonar á Soho veitingum til að skoða nýja húsnæðið sem hann er að innrétta fyrir sína starfsemi. Var virkilega gaman að hitta kallinn og taka spjall og fá útlistingu á hvað sé í vændum, eftir góðan túr kvöddum við Örn og héldum á hótelið sem við ætluðum að gista fyrstu nóttina.

Heitir það Bed and Breakfast og er upp á Ásbrú, hét Billeting í gamla daga þegar herinn var á varnasvæðinu. Tekið var vel tekið á móti okkur, lykill að herbergi 108 afhentur, það sem innifalið var í pakkanum var gisting fyrir tvo ásamt morgunverði, geymsla á bíl, akstur upp á völl og sóttir upp á völl komudag, fyrir þetta var rukkað 9900 kr., sem er ekki mikið.

Rétturinn við Hafnargötu 51

Rétturinn við Hafnargötu 51

Fórum inn á herbergi og slökuðum á þar til við fórum niður í Keflavík til að fá okkur kvöldverð og höfðum við ákveðið að snæða á Réttinum á Hafnargötu þar sem Magnús Þórisson stýrir af myndarskap.

Soðinn lambaframpartur með karrísósu

Við fengum okkur sveppasúpu og soðinn lambaframpartur með karrísósu og var þetta alveg glimrandi gott.

Héldum við upp á hótel sælir í maga og heila og skelltum við okkur beint í rúmið, því við ætluðum að vakna klukkan 04:00 um nóttina.

/Sverrir